Ngke e a manga nako naba te ianena ao e roko nanou n takarua ao I a manga nora naba te ota are ruo iaora n aekan are e kaoti n te moan tai imain warekan ana taeka Te Uea. E teimatoa korakoran n bana n takarua ni ianena imwin te Ota arei ao e takarua n tang kain te kainaomataki temanna ao e wakinako te tang mai iriana ae te nebonebo n tatakarua ni ianena. I kaurea matau ao I tararake n tara Iesu are e tine iai mani karaba n te ota are I a manga noria kaua n tain te katoka bai. Tariu ma maneu e mimitong te bong e bon rangi ni kamaiu aron te tibatiba imuina n te maneaba. I tabe n ongongora n tekateka man aki tibaia ba e rawata te tibatiba ma te tekennano n te bong anne. E raba Te Uea n ana Tangira aika kamimi ao n ana karea Te Tamnei ae Raoiroi nakoira n tatabemanira. E rabwa Te Uea ae Iesu.
Tiema Taraa, Tearaereke Parish, Tarawa, 2010