Kanan Tamneira...

Iesu boni ngaia te tia kawakin tibu ae moan te raoiroi ae na kairiira nakon kawain te kamaiuaki. Ao ngaira kanga ai bon aroia tiibu aika kakantaninga iroun te tia kawakin tibu ibukin kawakinaia, amarakeia ao mooia. Eng bon Nanon te Atua ba ti na aki bua ma ti na memena n tai nako inanon ana tararua ma ana kakawakin. Te nano n ataei boni ngaia te nano ae na karokoia n te kamaiuaki, ibukina ba ti tauraoi n tai nako ni kairaki iroun te tia kawakin tibu. E na anganira kanara ni katong bong ae bon ana taeka ae maiu. Ti na onimakina te Atua n tai nako ba e na katauraoi bai ni kabane aika ti bubuti n aran Iesu. Ti na bane ni katotonga Iesu ni kairiia aomata nakon te Atua ba e aonga n riki te botanaoamata ba ti te nanaina ao ti temanna te tia kawakin tibu.
Tariu ao maneu ti na onimakina nanon te Atua ibukira ba e tangirira ba ti na bane ni kamaiuaki ao a na akaea temanna ae na bua mani mate.Ti na tauraoi ni katikui arora ni kabane inanon bain Iesu ba ti aonga ni karekei bai nako ao a na akea te bai ae tin a tare iai. Ti na barua n tai nako ana taeka te Atua ao ti na tauraoi n uouota amona ao ti na reirei mairoun Iesu ba e bati ni mamannei ao n tangira.