Kanan Tamneira...

N te bong are ngkoananoa ao ti maroroakina nanon te kamaiu ae uotia Iesu nakon te aonnaba. Te moani bai ke te onibai ae kan anganira Iesu bon te kamaiuaki n nanora man ara bure ake a tia n urua ara tangira ma Iesu. Inanon ara botoniango n te bong aio ao e kamatata nakoira Iesu ba tera raoi bukin rokona nako aonteaba. E roko ba E na kamaiura ngaira tani bure ba boni ngaira ae ti kainnanoa te rairannano ao kabaran ara bure ba ti aonga ni maururng man mamarara.
Ti riai ni karimoa nanon Iesu ae tuangira ikai n ara makurei aika ti karaoi. Ba e na riai ni moanibai n tai naklo iroura karokoan ana ana tangira ma ana anoanga Iesu nakoia aomata nako. Ti riai n aki katea tuan makurian ana tangira ma ana nanoanga te Atua; ti riai n aki kantaningaia ba a na reke kabaiara ke kaniwangara man karaoan te tangira ke te nanoanga nakoia raora ma e na riai ni moanibai karokoan te rairannano are na manga karekea te kaiokaki imarenaia raora ma te Atua. Ba i nanon te kaiokaki ao ti a manga kanimmra ma te boto ao ti a manga kaokaki nakon te maiu ngkai ti a manga toma ma te boto are bon te Atua. Te aomata are aki toma ma te boto e na boni mate.
Bon aio ngkanne kakawakin karaoan nanon Iesu inanon maiura bat i na tabeakinia riki aomta ake a kainnano, a uruaki man kananoanga ao riki ake a maiu iaan rawawatan te bure. Ngkana iai temanna ae mamara ao e nang mate ko nanoangaia ke ko aki. Eng ti na bon bane n nanoangaia. Ngkana iai ae nang mate tamneina n te mate ae aki totoki, ko nanoangaia ke ko aki? Eng e na bon riai n raka nanoangakin te aomata ae nang mate tamneina n aki totoki ba are e nang aki kona ni manga reke irouna te maiu ao e nang akea buokana.