Kanan Tamneira...

N te bong aio ao ti ongora aroia Iutaia n titirakinia abotoro ba e kakabaka ana angabai Iesu ke aki. Ngke e ongo Iesu ao e titirakina Betero ni kangai: Antai ae riai ni kabaka te anagabai nakon te King, natina ke tabeman riki? E kaeka Betero ni kangai; Ake tabeman. Ao e boni koaua ngkai man te moan tai ao e karaoaki te angabai irouia ake iai aia bure ke a tautaekanaki. Iesu e bon aki kabaeaki n te angabai ibukina ba bon akea ana bure ba te Atua Ngaia. Ma te bai ae kakawaki n reitaki ma aki kabaean Iesu bon taekara ngaira ba ti kabaeaki ke tiaki n te angabai. Ngkai e a tia n roko Iesu ba e na kaboi muin ara bure n Rarana ae moan te Tabu ao ti a bane naba ngaira aika ti a tia n riki ba Natin te Atua inanon te kamaiuaki are anganira Iesu ma iaon te kaibangaki. Ba inanon te Tamnei ae Raoiroi are ti a tia n anganaki ba uan te kamaiuaki iroun Iesu, ao ti bane n riki ba inaomata ao ti aki manga tautoronaki ian te tua. Tariu ao maneu bon aio te koaua ae ti riai ni kakatoga iai ba ti a tia n riki ni kabane ba naati ngaira aika tan baibai naba irarikin Iesu n te Abanuea ae Karawa. Ti na bane n teiraki n ana ara bai ngaira nati iroun te Atua ao ti na aki kabua te kamaiuaki are bon ana baintamgira ma ti na kaburei maiura nakon Iesu ao ti na tauraoi n tabeki ara kaibangaki ao n iriria. Bon akea boon te kamaiuaki aio ba bon te baintangira nakoira ni kabane ngkai ti a tia n riki ba inaomata ngaira iroun Iesu Kristo ae a tia ni mate ibukira iaon te kaibangaki.