Wiki 17 Katenibong.
Warekan ana Boki te Burabeti ae Ieremia. 15:10,16-21
Ai kawa ra ngai, tinau, ngkai ko bungiai ba te tia un ao te tia kakiriwea te aba aei. I aki tatango bai ao a aki tatangoaki au bai, ma a bane n ribaai aomata. Uringnga ba I karawawataki i bukim. Ngke a roko am taeka, ao I kang, ba am taeka, boni kabaiau ma kukurein nanou, ba I aranaki n aram, te Ueaa ae te Atua. I aki tetekateka ni kukurei i buakoia tani kakaniko; I tei ni kaokoro i ani baim, ba ko kaonai n te maraki n nano. E aera ngkai e aki totoki marakiu, ao e aki mamao ikoakiu ma ni matebuaka kuakuakina? Tao Ko na riki i matau ba te karanga ae kakamarua ma ranna ae kakamane? Ao e kangai ana kaeka te Uea: “Ngkana ko oki, ao N na kaokiko ba au tia makuri; ngkana ko taekini iango aika kakanato, aika aki mangori, ao ko n ariki ba ai aroni wiu. A na okiriko ngaia, ma ko na aki bae n okiriia, ngkoe. N na karikiko ibukia. Ba ten ono te burati ae matoatoa. A na buakaniko, ma a na aki konako, ba raom Ngai ni mairouia akana ioawa, N na kabarako mairouia tan tiritiri.
Te Taramo 59: 2-5, 10-11, 17-18
Kaekana: Katanau te Atua n tain te rawawata.
Atuau, kamaiuai mairouia tan ribaai, Katanai mairouia tani buakanai.
Kawakinai mairouia tani ioawa, Kamaiuai mairouia tan tiritiri. K
Noria a karana tamneiu, A botaki ni kaitaraai akana korakora,
Akea au bure ma buakakau, te Uea, Akea au kairua, ao a birimai n tauraoi. K
I tan nakoim, Ngkoe korakorau, Bon te Atua au nono,
E nakomai te Atua ae tangirai. K
I anenea korakoram ngai, I neboa am tangira n te ingabong.
Bon au nono Ngkoe Ao katanau n au tai n rawawata. K
I tan nakoim, Ngkoe korakorau. Bon te Atua au nono,
E nakoimai te Atua ae tangirai. K
Alleluia, alleluia.
Otan aonaba Ngai. Ane irai, ao e reke irouna otan te maiu. Alleluia.
Warekan ana Euangkerio Mataio…13:44-46
E taetae ni kaikonaki Iesu nakoia ana reirei ni kangai: “Te Abanuea ae karawa, ai aron te bai ae kakawaki ae karabaki n te aba teuana. E kunea temanna te aomata, ao e manga karaba. Ao e nako ma te kukurei ae bati ni kaboi nako ana bai, ao a kaboa iai te aba arei.
Te Abanuea ae karawa, ai aron naba temanna te tia bobai ae kakaai momi aika kakawaki; ngkana e kunea te momi ae e bati boona, ao e nako ni kaboi nako ana bai, ao e kaboa iai te momi arei.”
Tibatiba: Te Uea buokai ao kamaiuai ba I aonga n roko ni mwengau ni koaua irarikim