Wiki 22 Kaabong.
Warekan ana moa n Reta Bauro nakoia I Korinto. 3: 18-23
Ke e tai kairua temanna i buakomi. Ngkana e taku temanna ba e wanawana n te wanawana n aoteaba, ao ke e riki ni baba ba e aonga ni wanawana. Ba wanawanan aonteaba, ao ke e riki ni baba ba e aonga ni wanawana. Ba wanwanan aonteaba aei, ao bon te baba iroun te Atua. Ba e kangai te koroboki: “E kamaneia akana wanawana te Atua n oin aia kamane”, ao e kangai naba: “E atai aia iango akana wanawana te Uea, ao E ataia ba akea maneia.” Ma ngaia ae ke e tai kamoamoa temanna irouia aomata, ba bon ami bai bai ni kabane, ba Bauro, Aboro, Keba, aon te aba, te maiu, te mate, te tai aei ao te tai ae na roko, Ami bai bai ni kabane, ma ana bai Kristo ngkami, ao ana bai te Atua Kristo.
Te Taramo 24: 1-6
Kaekana: Ana bai te Uea aonaba ma kanoana.
Ana bai te Uea aonaba ma kanoana, aon te aba ma kaina nako,
E kateia Ngaia i aoni marawa, E katoroa i aoni karanga. K
Antai ae na ararakea ana maunga te Uea? Antai ae na tei n ana tabo ae tabu?
Ane a itiaki baina, ae e raoiroi nanona, ane aki ri ni baika akea maneia, ane aki tuea ni kamane. K
E na kababaiaki iroun te Uea, E na anganaki te eti iroun te Atua ae ana tia kamaiu.
Bon anne aroia akana ukeria, akana ukera matan Atuani Iakoba. K
Alleluia, alleluia.
Ke e ota matam i aon am toro, ao reireiai am tua. Alleluia.
Euangkerio
Warekan ana Euangkerio Ruka..5:1-11
A Kariba rarikini Iesu te koraki, i etan te nama ae Kenetareta, ba a ongora n ana taeka te Atua. Ao E nori boti ake uawa ake a roaki i rarikin te nama. A tia n aerake mai iai tan akawa ba a kume n teboki aia karaun. E toka Iesu n te boti tewana are ana boti Timon, ao E tuangnga ba e na kararoa eta. Ao E tekateka n reireinia aomata mai aon te boti. Ngke a bane ana taeka, ao E taku nakon Timon: Nako nano, ao kabakai ami karaun i bukin te akawa.” E kaeka Timon ni kangai: “Te Tia Reirei, e a ngaina ara ngaina, ao ti bon aki kona; ma N na kabakai karaun n am taeka.” Ao a kabakai. Ao a kamanei ika aika moan te bati, ao a nangi moti aia karaun. Ma ngaia are a anoanoia raoia ake n te boti are tewana, ba a na nakomai ni buokiia. Ngke a roko, ao a kaoni boti ake uawa n te aro ae a nangi inako. Ngke e nora anne Timoni Betero, ao e katorobubua i matani Iesu ao e Kangai: “Kararoaai, te Uea, ba te tia bure ngai.” Ba e kuba, ngaia ma raona, i bukini maitini konaia. Ao ai aron naba Iakobo ma Ioane ake natin Tebetaio, ake raon Timon. E kangai Iesu nakon Timon: “Karaua nanom, ba man te tai aei, ao konam aomata.” Ao ngkanne a kaaerakei aia boti, ao a kitani bai ni kabana ma ni iriria.
Tibatiba: