Monday, July 5 of the Fourteenth week in Ordinary Time
Warekan te Boki ae Karikani bai
E kitana Beerateba Iakoba, ao e mananga nako Aran. E roko n te tabo teuana, ao e tikuia ni ua te ngaina, ba e a tia ni bungi taai. E ana teuana te atibu n te tabo arei, ao e uningaia, ao e matu n te tabo arei. E mi: e nor ate kaintamarake ae kateaki i aon te aba, ao e rota karawa taberana, ao a wawaerake ma n ruruo iai ana anera te Atua. Ao akea ba E tei te Uea I matana, ao E taku nakoina: “Boni Ngai te Uea ae Atuan Aberaam ae am bakatibu ao Atuani Itaaka. Te aba ae ko wene iai, ao I anganiko, ngkoe ma am kariki. A na riki ni maiti am kariki n ai aron tanon aon te aba; ko na raka nako ni wairio ma ni waerake ao n nakoiang ao n nako aiaki, ao a na bane botanaomatan aonaba ni kabaia iroum ao irouia am kariki. Bon raom Ngai: N na kawakiniko n tabo nako ike ko na nako iai, ao N na kaokiko nakon te aba aei, ba N na aki kitaniko i maini kakoroani bukin au taeka nakoim.”E uti ni matu Iakoba, ao e taku: “E Koaua, E mena te Uea n te tabo aei, ao I aki ataia.” Ao e maku, ao e taku: “Ai kakamakura te tabo aei! E teirake n te moa n ingabong, ao e ana te atibu are e uningaia, ao e kateia ba te boua ao e kabaroa te ba i aona. E arana te tabo arei ba Betaera; ma arana i maina bon Ruti.
Ao e atonga te taeka ni bau ae kangai Iakoba; “Ngkana raou te Atua ni kawakinai i aoni kawaiu ae N na toua; ngkana E anganai te amarake ae N na kanna, ma te kunnikai ba N na rabunai; ngkana I a manga okira ana auti tamau ma te marurung, ao E na riki te Uea ba Atuau, ao te atibu ae I kateia aei ba te boua, e na riki ba uman te Atua.”
Te Taramo 90: 1-4, 14-15
Kaekana: Au onimaki, boni Ngkoe, Atuau.
Ane katanna iroun Teuare moan te Rietata, ma ni maeka irarikin Teuare moan te Maka,
ao e kangai nakon te Uea: “Katanau ma au, nono Ngkoe, Atuau, ba I onimakiniko.” K
E na kawakiniko man ana kaintaware, teuare iangoa kamaneam;
E na rabuniko ni baina, e na reke katanam i ani baina. K
N na kamaiua ngkai e nimatai, N na kawakinna ngkai e ata arau.
Ngkana e weteai, ao N na kaekaa, Raona Ngai n te rawawata,
N na kamaiua ao N na neboia. K
Alleluia, alleluia.
Taetae, te Uea, ba e ongora am toro: a mena iroum taekan te maiu ae aki toki. Alleluia.
Euangkerio: Mataio 9,18-26.
While Jesus was speaking, an official came forward, knelt down before him, and said, "My daughter has just died. But come, lay your hand on her, and she will live."
Jesus rose and followed him, and so did his disciples.
A woman suffering hemorrhages for twelve years came up behind him and touched the tassel on his cloak.
She said to herself, "If only I can touch his cloak, I shall be cured."
Jesus turned around and saw her, and said, "Courage, daughter! Your faith has saved you." And from that hour the woman was cured.
When Jesus arrived at the official's house and saw the flute players and the crowd who were making a commotion, he said, "Go away! The girl is not dead but sleeping." And they ridiculed him.
When the crowd was put out, he came and took her by the hand, and the little girl arose. And news of this spread throughout all that land.
Tibatiba: Te Atua bon katanau ao au nono ni kamaiu bon Atuau ae I onimakinna
Tariu ao maneu n taian wareboki n te bong aio ao ti kauringaki ba ti riai motiki tawara ra n tai iroun te Uea Ngaia are E na tararuaira man taian kanganga ma kabuanibai ao E na kawakinira ma taian kabuanibai. N te moan wareboki ao ti ongara aron Iakoba ni mananga n ai aron are tuanga te Atua ao arona ni muiokoa te Atua n arona ni kabane ba E na kawakinna. Eng ti ongo n te karaki Iakoba ni motirawa n te bangota teuana ngke e a taonna te bong ao ngke e matu ao e kaotia te Atua nakoina n tuangnga ba te tabo are wene iai bon tabo are mena iai te Atua. Ngkai bon ana tabo te Atua te tabo are motirawa iai ao E kaotia te Atua ba e na bon kawakinna ao E na bon akea te kanganga ma te kabuanibai ae na rotaki ba E na kawakinna.
Tariu ao maneu ti ongora n te ewangkerio ba ngkana ti ukera ao ti butia te Atua ibukina ba ti onimakinna ao E na bon tararuaira ao E na bon kamaiuira te Atua mani kainnanora ao aorakira. Ti nora aron te mataniwi n te tanga ni buaka ngke E katorobubua imatan Iesu ao e butia ba e na kamaiua natina te ataeinaine are e a tia ni mate. Iaon kawaina Iesu ni kawara te ataeinaine ao ao E kaitinbo ma te aine temanna ae e enrara are karaba n ringa kunikain Iesu iaan ana onimaki are ngkana e taua kunikain Iesu ao e kamaiuaki naba. Ti noria n te karaki aio ba E tauraoi n tai nako ni kaekai kainnanora Iesu ngkana ti butia ma te onimaki.
Man taian karaki aikai ao E tuangira te Atua ba E na mena iaora n tai nako ana karaoiroi ma na kakawakin te Atua ngkana ti maeka irarikina ao Irouna n tai nako ao ngkana ti onimakinna ba akea riki ae kona n anganira te kamaiuaki ma bon ti te Atuairoun Natina ae Iesu. Ngkana ti onimakina te Atua n tai nako ao ti na bon nim n tai nako ma te Atua, Ngaia are te tia kawakinira ao te tia tararuaira. Ti na tataro ni bubutia te Atua ba E na anganira ana karea ae te onimaki ba ti kabanei maiura ni maeka irarikina ao Irouna Ngaia ae bon katanara ao ara nono ni kamaiu.