Wiki 19 Kaabong
Warekan te Boki ae taekani Iotua. 3: 7-11, 13-17
E taku te Uea nakoni Iotua: “N nang karekea neboam i mataia Iteraera ni kabaneia n te bong aei, ba a aonga n ataia ba arou nakoni Mote, ao ai arou naba nakoim. Ko na tuatua nakoia berebitero aika tabeka te Ati ni berita, ni kangai: ‘Ngkana kam roko i etan te karanga ae Ioretan, ao kam na bon tei i nanoni Ioretan.’” Ao e kangai Iotua nakoia Iteraera: “Kani ngkami, ao ongora n ana taeka te Uea ae Atuami.” Ao e taku Iotua: “Aei te kanikina ae kam na ataia iai ba iai te Atua ae maiu i buakomi, ao E na kakioia nako i Kanaan i maimi. E nangi rimoami ana Ati Uean aonaba ni bane, ri nanoni Ioretan.
Uean aonaba ni bane, ri nanoni Ioretan. Ngkana a tei i nanoni Ioretan waeia berebitero aika uota ana Ati Uean aonaba ni bane, ao e na raure ranini Ioretan are mai eta, ao e na tei ba te ikota n ran ae ti teuana.”
Ngke a mananga te koraki ba a na rinanoni Ioretan, ao a tabeka te Ati ni berita berebitero ni ri moaia aomata. Ngke a roko i Ioretan tan tabeka te Ati, ao ngke a tebo waeia berebitero n te ran, ao e tei te ran are ranga mai eta ba te ikota n ran ae ti teuana, mai Atam ni karokoa te nono are i Taretan; ao e bon ranga nako te ran are mai aana nakon te nama ae Araba, ae te nama ae taari. Ao a ri nanona aomata ni kaitara Ieriko. A tei berebitero ake a uota te Ati ni berita i aon te ora i nukani Ioretan, n aki kakamakuri, ao a bane n riaon te ora Iteraera, ni karokoa a bane n ri nanon te karanga te botanaomata.
Te Taramo 113A: 1-6
Kaekana: Alleluia!
Ngke a otinako Iteraera mai Aikubita, Ngke a nako natini Iakoba
mai buakon te botanaomata ianena, Ao e riki Iuta ba uman te Uea, Ao Iteraera ba abana. K.
E nora anne tari, ao e birinako; E oki rikaki Ioretan.
A ewewe maunga n ai aroia tibu mane, Ao tabuki n ai aroia tibu ataei. K.
Tari, e aera ngkai ko birinako? Ioretan, ko ti oki rikaki?
Maunga, kam ti ewewe n ai aroia tibu mane? Tabuki, kam ti kiba n ai aroia tibu ataei?
Alleuia, alleluia.
E kamauna te mate te Tia Kamaiu ae Iesu Kristo, ao E angnai te maiu n ana Euangkerio. Alleluia.
Euangkerio
Warekan ana Euangkerio Mataio. 18: 21 – 19: 1
E kawara Iesu Betero, ao e taku: “Te Uea, iraua au tai ni kabara ana bure tariu ngkana e kairua nakoiu? Tao itiua te tai?” E kangai Iesu nakoina: “Tiaki itua, ma itibui ma itiua te tai. Ai arona naba, titebo te Abanuea ae karawa ma te uea are kan tuoi muin ana bai ma ana tabonibai. Ngke e moana ana tutuo, ao e kairaki nakoina temanna are tebuina tenga te tarena baena (60 te mirion te tenario.) Ma e aki reke kabarani baena, ao e tuatua te toka ba e na kaboaki nako, ngaia ma buna ao natina ao ana bai ni kabane, ba kabarani baena? Ma e baka ni bobaraki te tabonibai i matana, ao e butia ni kangai: “Taona nanom, ao N na kaoki am bai ni kabane.’Ao e nanoangaia te toka, ao e kanakoa, ao e kaakeaa baena. Ngke e nako te tabonibai arei, ao e kaitibo ma raona temanna are tebubua te tenario baena irouna; ao e taua roroana ni konna, ao e taku nakoina: ‘Kamai baem.’ Ao e baka ni bobaraki teuarei i matana ao e butia ni kangai: ‘Taona nanom, ao N na kaoki am bai ni kabane.’ Ma e rawa te tabonibai arei ao e tua ba e na kainaki raona n ua barani baena. A maraki iai nanoia raona ake a noria, ao a nako ni kaongoraea ana toka. Ao e kaoa teuarei te toka, ao e kangai nakoina ‘Te taonibai ae ko buakaka ngkoe! I a tia n kaakeaa baem kioina ba ko butiai. E aera ngke ko aki nanoangaea raom n ai arou ae I nanoangaiko?’ Ao e un te toka, ao e angania tani bainikirinia bure n ua barani baena ni kabanea. Ao ai aron naba Tamau are i karawa, ngkana kam aki kabarai aia bure tarimi ma nanomi ni koaua.” Ngke a bane ana taeka Iesu, ao E kitana Kariraia nakon abani Iutaia are i mainikun Ioretan.
Tibatiba: Tauraoi ni kabarao aia bure akana a bure nakoimi n aiaron Tamami ae tatauraoi ni kabarai ami bure
Tariu ao maneu n te bong aio ao ti kauringaki teuana iteran mamarara ngaira aomata ba te rawa ni kabarai aia bure raora. E oti n te ewangkerio ba arora n rawa ni kabarai aia bure raora riki ngkana ti a tia ni karekea te nanoangaki mairouia ake ti bubutia aia nanoanga. Ti ongora n te ewangkerio n te bong aio taekan temanna te toro are e butia ana toka ba e na nanoangaia n anganna riki ana tai ba e aki tauraoi ni kabara ana tarau. Ni kaekan ana bubuti te tabonibai ao e taku te toka ba e a kamauna ana tarau. Ma e ngae ngke e a tia n nanoangaeaki teuaei ao e maninga aron butimaean ana bubuti iroun ana toka. E kona roroan teuare e butia ba e na nanoangaia n anagaana riki ana tai.
Eng bon aio te aro ni mamara ae ti rereke bat i aki kona ni waekoa ni kabarai aia bure raora ao ti maninga arora n tia n nanoangaki ioruia raora. Tera aron tuan te aomata oroun te toka are e tua n nanoangaia? E tua ba e na anaki ni kabaeaki ao e na kamarakaki ni karokoa a bane ana tarau ni karaaki. Eng ngkana ti karaoa te makuri n iowawa nakoia raora ao e na bon roko te Uea ni katuaira ao ni kamarakira n akea te nanoanga.