N ana tai nikatoki aoraki Iesu ao e bon aki toki n tataro. E aera e bae n tataro Iesu? Terana ae e tuangira ikai iai?
E tataro Iesu ba e kani anga tabena ao ana makuri nakon Tamana are bon Tamara naba. N ana tai n tataro Iesu ao e butia Tamana kakorakorana ni kaitara tibana are e roko ba e na karaoi. Inanon naba ana tataro ao e bon katituaraoa naba Tamana. E reireinira Iesu ba ti na tataro n taai nako man aki katoka ara tataro nakon Tamana man anganna ara nebonebo ao ara karabaraba. N tain naba ara tataro ao e tuangira ba ti na bubuti naba kabaran ara bure ma ae moan te kakawaki riki bon te reitaki ma te Atua inanon te tai n tataro mani karikirakea iai kinakin Atuara.
Ngkana ko tangiria n kan kina temanna ao ko na bon aki toki ni kakaitibo ma ngaia ni maroro man titiraki man ongora irouna ba n te aro anne ao e raka iai aron kinakin te aomata anne iroum. N tain te kakaitibo aio ao e rikirake iai ami tangira i bon imarenami.
E tangira Iesu ba ti na kina nikoaua ma Tamana ba ti aonga n reitaki inanon te tangira.
Ti na kraba ibukin aron ana tangira ma teimatoan kakatokan aorakira nako aika a kakaokora. Aorakira aika e a tia n katoki aika e n a manga katoki ao aika e a katoki ngkai, ti bon kaitaua ao man kamoamoa iai ao neboia ba bon Ngaia ara taokita ni koaua.