N te moan wareboki ao e kaotaki aron ongotaekan Iesu iroun Tamana ba e taekinaki ae e kangai, 'ngke e karaoa nanon te Atua Iesu Kristo ao ti a kaitiakaki iai' man ara bure. Ti bon kamaeuaki man te mate ba ti anganaki te uti ma ngaia inanon tain utina man te ru ni mate. N te mate aio ao ti bon nora aron kareanakin rabatan Iesu nakon Tamana. Aei are bon nanon Tamana ibukira ba ti aonga ni bane ni kamaeuaki. Ai raoiroira am tangira Atua!
Ai kangangara aron irirakin nanon Tamara ae te Atua! Iai te kaikonaki teuana ae e kangai - antarai aroia maan n nakonako ma waeia aika aai, ba a kanga n kona n ira te kawai ae ti teuana nakoira ngaira aomata? Ti uaai waera ao moan te kanganga riki iroura ba ti na kona n toua te kawai ae e eti ruru ae bon ti teuana!
Ti bane ni kona n riki ba tinan, tarin ao manen Iesu ma ti riai n kona naba ni karaoa nanon Tamana. Tera nanon Tamana ae ti riai ni karaoia? Ti a tia n titirakinna? Ti a tia n anganna ara tai ba e na taetae nakoira ibukin karaoan te bai ae e tangiria? Ngkana ti tuai ao ti a karekei ara tai n tatabemanira nako n kainababu ao man ongora ba tera raoi ae tangiria ba ti na karaoia ni maeura aio.
Te kakauongo nakon Taman Iesu bon kawain te ongotaeka nakoina ao karekean te kamaeuaki inanon te maeu are e aki totoki.