Ai kakaongoraara! Ko a tia ni wareka te moan makoro n Karikan Baai? Bon rongorongon ana kariki bai te Atua.
Ti ataia ba iai uabui ma aua te aoa inanon teuana te bong. N te kaaua ni bong ao e karika taai ao namakaina te Atua imwin ae e noria ba boong ake tenibong imwaina ao a bon rangi n raraoi baai ake e a tia ni kariki. Ma ai kamira, n te katenua ni bong arei ao e kariki aroka n aekaia nako te Atua ma akea te ota ngkanne. Ti ataia ba tabeua aroka a bon kainnanoa otan taai. Ai tera aroia aroka aikai n akea te oota ma e bon taku naba te Atua ba a bon rangi n tikiraoi!!!
Maroaka ae a kangai ba ana kariki bai te Atua n aroia nako bon moan baan te tikiraoi!
Au iango ba te aoraki, te mate, te aki mwengaraoi a bon aki raraoi ao ai ngaia ae e kan karaoiroi te Uea n taai nako riki n taai ake ti nakoina iai ao man butia ana nanoanga ibukin bwaai ke aaro aikai.
Ti aikoa roko n ana baire ma ana iango te Atua ma ae ti roko iai ba bon tangirana ao kakarabakina ibukin karikara n arora aika a kakaokoro ma tangirara irouna ae e aki tiatianaki. E tangirira te Atua ba ti na kukurei ao ti na kamaeuaki irarikina n te maeu are e aki totoki.
Ti a reitira ni kakaitaua ibukin ana tangira ibukira are e anganira iai natina, Iesu Kristo, ba kawaira ni kamaeuaki ao n roko irouna man maeka ma ngaia n aki totoki. Ti a manga bia karika te bong aio ae moan wikin te Karemo ba ara tai ni manga kerakea aron tangiran Atuara ao man manga karekea te raoiroi are mai iroun natina ti rinanon tauan buruburun ana kunikai.
E bia raonira Tamnein Atuara, te Tamnei ae Raoiroi n wiiki te Karemo aikai.