Kam na mauri tariu ao maneu n ana tangira te Uea,
I keiaki ni kakioa tokin te Kanimabong ma e a bon aki reke ibukin aki raraoiroin te eea ma te reitaki n te internet.
Aio ngkanne kanoan au kan marooro ma ngakami ibukin te bong ae te Kanimabong. N tain te aki mamatam ao ti ataia ba bon ara tai are ti motikia ba ti na kaanira iai ma ara Uea n te aro ba ti na kona iai n roko riki n te raoiroi are E na kukurei iai iroura. N te tai n aki mamatam naba ao ti bon anga nanora ba ti na keiaki ni kaanira iai ma Atuara inanon te rairannano are ti karaoia rinanon te taona n nano man baai ake a rangi n rereke iroura ae nte tai aio bon te amarake.
Ti kataia ni kaaniira riki iai ma raoiroin te Uea ao man butia ba ti aonga ni kona n keiakina te maeu ni kainnano man keiakina te aki mamatam. N tain te aki mamatam ao ti motikia ba ti na kauarerekei kanoan biritora man keiaki ba ti na kona n namakina aron te kainano n tangiran te kan nuai raoi. Ma e aki tau ae ti te aki mamatamam ti riai ni karababa nako ao man tiba riki aron karaoiroan ti te aki mamatam. Ba n tain te aki mamatam ao ti riai naba n noria ba te amarake are ti taoni nanora mai iai e bon riai ni kabonganaki irouia tarira ao manera ake a aki kona ni karekei kanaia.
Ti riai ni kabonganai baike ti taoni nanora mai iai n anga nakoia ake a kainanoia. N te aro aio ao ti bon uringia iai tarira ma manera ake a aki kona n reke baai irouia. E na bon karababaaki riki iai aron ara tangira ngkai ti uringia iai koraki aikai. N tain naba te aki mamatam ao ti bon karaka naba iai aron ara reitaki ma Atuara. Ba inanon kainnanora ni kan amarake raoi ao ti bon karaka naba iai ara tai ni mamaroro ma te Uea iai. Ti kataua iai te kona n reitaki raoi ma ngaia inanon boong aika abui are bon manin te bong ni Karemo.
E bia riki tain te aki mamatam aio ba ara tai ni karaka aron ara tangira nakoia raora ao riki nakon Atuara are ngaia muiokon baai ni kabne inanon maeura aio. Kam na kabaia inanon te tai ni Karemo aio.