N tabetai ao ti kona n taku ba te karemo kanga te bai ae ti kona n rineia ba ti na karaoia ke ti na aki. Ti kauringaki n te bong aio ba te karemo bon ana kawai te Atua ni kamaiuira man te mate ao te kamaunanakoaki. Ti ongora ba bon te Atua ae kanakoa Iona ba e na rairi nanoia kain Ninive. N te moan tai ao e bon maaku Iona ao e ewenako man te kaibuke ba e rawa n nako Ninive. Kanakoan kaua Iona nako Ninive iroun te Atua bon kamatoan rongorongon te karemo iroura ae ngaia bon te bai ae ti na riai ni karaoia. Aio bon te tai
are ti kona iai ni kairoroa ana nanoanga te Atua ba ti na aki mate ma ti na karekea te kamaiuaki ae aki totoki i Karawa n aiaron ana berita n akoi te Atua ibukira ni kabane man te moan tai.
Ti a manga weateaki inanon te karemo ba ti a mate i nanora ma Iesu ba ti aonga ni manga katonga ma Iesu te mangauti inanon te mimitong ni Bakate. N tain te karemo ao ti a manga kataua ana karatia te Atua ba e na kabouira inanon te aki mamatam ao te taubang. Inanon aki iran nanora ni baai ake ti tangiri ao ti kataneiaira ni kataua te Uea ba E na tautaekani maiura ao ba ti na aki ira ana kairiri te rabata nakon te mate ae aki totoki. Ngkana ti karaoa aio ao ti katotonga iai St Iona te Tia Bebetito n ana taeka are e na "koekoerikaki ba e aonga te Uea ni koekoerake" ao n tautaeka iaon maiura.
Tariu ao maneu ti na katotongiia kain Niniwe inanon tain te karemo ni kauki nanora nakon te rairannano ma te aki mamatam n te aro ba ti aonga iai ni kararoa te mate ao ni karekea te kamaiuaki ae aki totoki.