N ana kauring Santo Ruka ao e katereterea ba ti riai n katotoonga aron Tamara are i Karawa. N te tai teuana ngke I tekateka n ongora te kabarabara ae aekan aio, are a tuangaki iai kaain te Tutia iroun te Tama ba a na riai nikatotonga aron te Atua te Tama ao I uringa ana ngure temanna te tia ongora mai irarikiu ae e taku. Au kantaninga ba e taekina te koaua te Tama! Ao I tabeaianga n te taetae aio ao ibukina ba I bon kina te tia ongora aio ao I a wirikiriki man taku ni kanga iai? Ma e aki tabara ao e kaeka man taku: ti tebo ma e a tia n nora aron ana makuri te Atua ba e taekina te Atua te Tama ngkai ma e riai n taekina Iesu ba Iesu iai mwin ana makuri ao e kona n kotei n te Baibara. I katoua atu man tataro inanou ao au tataro ae e kangai, Iesu kaota nanon te aomata aio ba e aonga n reke ungan nanona ni kan ongora te kabarabara.
Eng, e kauringira te Tama n ana kabarabara ae ti na riai n aki motiki taekaia raora, ti na aki kabureia aomata, ao man kabarai aia bure. E roko irou iangoan te kauoua ni makoro ao I bubuti ba e bia aki kataua te tia ongora are irarikiu te Atua ae Tamara ba e na kaburea ana reirei te Tama. E roko te kaeka ae e kangai n te tai are e moti au tataro aio- ngkana ko kakoaua Iesu ao ko kakoaua Tamana!!! Aio raoi ae I riai n tuanga te tia ongora aio. "Ngkana ko kakoaua Iesu ao ko kakoaua naba Tamana".
Ke E raonira ana tangira te Teniman n Temanna ba ti aonga n rau inanon ana kairiri te Atua te Tama, te Atua te Nati ao te Atua te Tamnei ae Raoiroi.