Ai bon arora aio, te kan ananai taabo i moa ba angkoa ti kakana matan te noo, ti kan aranaki ba kakannato, ti kan kinaaki ba bakuaku ai te toa nanora aikai ke? Ba are eng Iesu ti a bon biri rikea ma arora aikai ba ti tuai man wareka taekam ae ko tewea te koraki man takarua i mataia ni kaotiko ba bon te Tia Katoki aoraki ngkoe ae moan te bakuabku ke ti bon tuai man ongo taekam ae ko na takarua i nukan te kawa ni kangai ' Iesu aio!". Bon taan kamoa ngaira Iesu kabarai ara bure. Ti riai n katotongko n nananorinano. Ko raba n bannam aio.
N tain te Passover meal ao e teirake Iesu man ana ana taara ao e kabaea i nukana man nako n teboki waeia ana reirei. Aio aron te toro nakon ana toka ekabae te taara i nukana ao e mananga man katio ibukin ana toka. Ma e karaoa aio Iesu ba e kan kaotia nakoia ana reirei ake a nang riki ba taan kairiria aomata aroia nakoia taan kairaki n arona ngaia ae te Tia Kairiri naba ao e karaoa te makuri ibukia ake e kairiria. Ai raoiroira aron Iesu aio. Ti te kamangoria man tangira n nena ae e rinano. Ba tiaki aron nanon tinaia taari ake James ao John are e bubuti n neia i angatain ao angamaingin Iesu n abana n Uea! E aki ira nanona Iesu n aei ma e anganiia natina aikai ba a na tiba marakina ni maeuia.
Kairiaia naba ngaira Iesu ba ti na kona n tiba marakim inanon maeura ba ti ataia ae moan te kanganga tangiran te nanorinano ngaia are ngkana ti a kunea ba e akanganga ao an katauira ba ti na tiba marakim are ko rinanona n am tai ni mate iaon te Kaibangaki ba ti na kamaeuaki iai. Ko raba Iesu.