Kanan Tamneira...

2. E mena iroun Nei Maria buokara ibukin marurungin tamneira
Iai ana rongorongo Tinara Maria are ti aki toki n ongongora ba ti riai ni kakorakoraira n te maiu n tataro ao ni karemo. Aio e aki toki n okioki ni kakaotina n ririki aika a bakanako ao e aki toki ni kaokiokia naba ni bong aikai n kakaotina i Medjugorie.
Tera am iango n ana rongrongo aio? Tao ti bon bane ni boraoi n iango iai. E marurung ao e marikarika man korakora tamneira ngkana ti kateimatoaa te tataro ni katoa bong ao n irianaki ma namakinan te baki n ara karemo are e tuangira, n te Katenibong, n raonna n korakaina imain marakin ao maten natina, ao n manga raonna n te Kanimabong n uruakin nanona n maten Natina. E bon anganira naba taekan nimara ma kanara...te kariki ao te ran. Tao ti bon kakoaua naba n taai aika ti baina te tataro ao te moi ran ma te kang kariki n te Katenbong ao te Kanimabong koraki ba ti rangi ni korakora n maiura n tamnei ao n ara retaki ma raora nako, ao ara iango a rangi n itiaki.
Ai rabara Tinara n ana tabeaianga iroura ba ti na marurung n tainako. Ai rabara ni mataatan ana rongorongo aio ibukira. E mena i karawa ao e nori itera aika ti na teimatoa n te marurung iai n rabatara ao tamneira. Tao anne bukina ae e okioki ana rongrongo ma ana onnon aio?
Ti kakatituaraoa te Atua ibukin ana baintangira ae kororaoi, Tinara Nei Maria Uean te Marurung.