Kanan Tamneira...
- Details
- Written by Taranieta
N te wareboki n te bong aei ao te burabeti are Eria, e anganira te katoto, ibukin arora n ukera te Atua, ba e bobaraki ni kainababu n tataro iaon te maunga ae Karamera, ma moana imarenan bubuan waena.
N toua muin Eria ao iaon te maunga ae Karamera ao e bwebwerake te utu ae te Carmelites.
Maiuia bon te katotonga Tinara Nei Maria, te Paretenia are Ana tabonibai te Atua, are maiuna bon te kainababu n toui manekan Natina,
E ririmuin manekan Natina ao e bubuoka Natina, ibukin kamaiuan te aonnaba, n te tataro ao te maiu ae e kabureaki nakon te Atua ibukin kamaiuakin te botanaomata.
Ti butiko Tinara Nei Maria Uean Karamera, buokira ni kainababu, ni kunea te Atua inanora, ao n toui manekan Iesu, ma ngkoe, ni katoa bongin m’anangara ae
- Details
- Written by Taranieta
E kangai ana taeka temanna are e riki n tabu, (St. Gertrude the Great), “Kabaroa nako aon tamneiu, taian karatia ake a ranga man Am tangira ao karika nanou ba ti teuana ma Nanom, ba ana ti teuana ara nanora, ao ngai, ni bai ni kabane, N na riki n ti teuana ma Ngkoe”..
A ranga taian karatia man Ana Tangira Iesu. Man Ana karatia te Atua, ao akea te bai ae e aki kona ni karaoaki, n aiaron ae e riki n Imakurata iai Tinara Maria ao ni kona n riki ba Tinan te Atua.
E kanakoia Ana reirei Iesu n te wareboki n te bong aio, ao are ai bon te kananako naba nakoiraba ti na kabuta te Rongorongo ae e Raoiroi ao ni karaoi makuri ma kanikina mai iroun Iesu.
Man ana karatia Iesu ake a ranga man ana Tangira are e karaanga nakon tamneia ana reirei ngkoa ao nakoira ngkai, ao ti kona ni bane n karaoi ana makuri ni kabane n aran Iesu.
Iesu ti a butiko, karikira n tabu n Am Karatia, ba tina riki ni koaua ba am abotoro a o ni makuria nanom n tainako. Tia butiko te Uea.
- Details
- Written by Taranieta
Ni kawaran Iesu n te umantabu, ao a maiti man kakaokoro bukin rokora nakoina n tatabemanira nako.
Ma n tainako ngkana ti kawaria, ao ti teuana ana kaeka Iesu nakoira are moan te kamimi man rangi n nano, ba e bon nako mai kabin nanona, mai kabin Atinibanna ae koburake n ana tangira nakoira, ae te taeka ae kangai n te taetae n Imatang, “You have my Heart” ke ‘Iroum Nanou”.
Ni kabane ara taeka ni bubuti, tabeaiangan nanora, tangitangira nakoina ni kabane, ke nanora ni kakatituaraoia man neboneboia, ao e bon kaekai Iesu ma ana taeka anne.
Ti na kona n ataa raoi nanon Ana Taeka Iesu aio ngkana ti karaua n iangoia, ba e bon nangi n nano ao e nangi n korakora aron kabaranakoana, ba e moa man ae e kangai : Nanou iroum, au tangira iroum, au tangira I anganiko, nanou am bai, ngkana am bai nanou, tera ae kona kainnano man rawawata iai, kawakina au tangira ibukim, aio nanou ao kabuako inanon au tangira. E kona naba ni kangai nanona ,’ Tai karawawata nanou, kabebetea nanou, e korakai nanou”……..
Aikai ana Taeka Iesu nakoira n tatabemanira n te wiki aio ae wikin te Toa ae Rab’atan Christo’ ke ‘Corpus Christi’.
Ti kakabaiaki ba e kataua ba e na maeka ibuakora Iesu ae Atuara ao e kataua naba ba E na anganira rabatana ma rarana n te Eukari ae moan te tabu, ni koaua, ti kabaia ba kaekan ara tataro ni kabane Irouna bon akea ba bon Ngaia, ae Atuara.
I karabako Iesu, I neboiko Iesu , I katituaraoiko Iesu. Alleluia, Alleluia, Alleluia.
- Details
- Written by Taranieta
E roko Iesu ao e riki ba otara.
A maiti ara makuri aika ti aki ataia ao a kaota otan Iesu nakoia aomata.
Teuana mai ibuakon ara makuri aikanne bon te kekeiaki ni kakaea te Tutia ni katoa bong.
E riki kawarakin te Tutia ni katoa bong ba bon kauram'akan otan Iesu mai inanora are e otinako ni moamoara ao ara taetae ma ara makuri nakoia tarira ao manera, are e na katika nanoia nakon oin te ota ae Iesu, ba ti bon aki kona ni tuka otanakona.
Ti a uouota ana ota Iesu ae e anganira ni katoa rokona inanora n ara tai ni komunio, nakoia tarira ao manera nako. Ti na tib'a te ota anne ni buoka iai katokan kainnannoia, n iteran te rabata ao te tamnei, ao man aki tiatianna ba ti na tituaraoi iai.
I a butiko Iesu, kauram'aka otam inanou. Ko rab'a Iesu.
- Details
- Written by Beneteta
Moan te tikiraoi karakin ana karemangko te aine aio. E taku Santo Mareko n ana evangkerio n te bong aio ba ni matakun Iesu n te koraki ake a karin aia karemangko ni nen te mane n te temboro ao e noria kaubai n anga tabunin aia mane ao imwina e manga nora neiere e a tia ni mate buna man anga ana karemangko man ana karikoriko ae moan te uarereke.
E kamoa aron ana karemangko te aine aio Iesu man tuangia ana reirei ba moan te bati riki are e anga te aine aio nakoia taan karemangko ni kabane. Aio bukina; ba e anga mai buakon kainanona. Bon akea riki ana mane imwin ae e anga bon aio maiuna ao akea riki.
Ai bon aio naba te aeka n anganano ae e tangiria Iesu ae ti na anga ma nanora ni koaua iai, e aoria ngkana ai bon kabaneana ke e aoria ngkana ai ti teutana nikirana. Ti bon kauringaki naba ikai ba maeura bon ana bai tiaki ara bai. A nako maeura mai irouna baai aika a reke iroura ngkai ibukina ba bon ngaia ae e kariaia ba a na reke iroura.
Ti ata ao man ongo nanon te reirei are e kangai- anga ao ko na anganaki.
Ke e raonira te Uea n ara tai n buokia raora man ara bai are e a tia n anganira. Ko raba te Uea n kaubaira aika ko a tia n anganira, aika ko anganira ngkai ao aika ko na anganira rimwi.