Kanan Tamneira...
- Details
- Written by Taranieta
- Details
- Written by Taranieta
- Details
- Written by Uriam Timiti
"N te miniti aio, I kona, ngkana nanou, n riki ba raraon te Atua."
Aio ana taeka Santo Aukitino are e riki ba tibangara n te bong aio. E kaineti ni koaua ma nanon Takaio ngke e katiaa i nanona n te miniti arei, ba e na ukera Iesu n rokona n ana kaawa ba e nang riki ba raraona ni koaua, ao e kaineti naba nakoira n tatabemanira nako, ni maekan Iesu ae e maiu ni koaua ao e raonira, n ara kawa, inanon te Eukari ae moan te Tabu. Ti nora konamakin Takaio n ana iango are e a moti n te miniti arei, ao ibukina ba iai totokoan ana iango ba tein rab'atana ae e uarereke are e aki kona n nora Iesu iai ribuakon te koraki, ao e a kataua te kob'arake n taenananga ba e na rietata ao ni kona n nora Iesu. Ai kakukureia aron ara motinnano ao ara kekeiaki aika a na karikiira ba manga raraon Iesu ni koaua. N aron ae e taekinna Santo Aukitino ao ti kona n te miniti aio, ngkana ti taku, ba ti na karaoa ara motinnano, n riki ba raraon Iesu, n aron Takaio.
Takaio, e aki toki nanona n ti norakin Iesu i matana ngke e kaitibo matana ma Iesu ngke e wetea arana. Ti kona n nora te reitaki n te tangira are e riki n te miniti arei ngke e tararake Iesu ao E wetea Takaio n arana are e a kaman ataia, ao a kaitibo mataia. Ti ataia ba a bon reitaki n te tangira are e butimaea Takaio ngke e kaeka te wewete, ba e na ruo ba e na kawaria n ana auti Iesu ao E rin Iesu nakon mwengaraoin nanon mwengan Takaio. A riki ba rao ni koaua ao e a taetae Iesu nakoina, ba e a roko te maiu ni mwengana n te miniti arei!
Ti a bubutia te Uea ao n reitaki ma Santo Aukitino ao kain karawa ni kabane, ba a na buokiira ma raora nako, n waakira, ni kania Iesu, n ara motinnano, n te miniti aio. aika a na reita nanora ni kouaua ma Iesu inanon te iraorao ae e koro raoi, are ti noria n te tai aio iroun Takaio, ba ti na namakina naba aron ana kamaiu Iesu, n rokona i an umara n te miniti aio.
- Details
- Written by Taranieta
- Details
- Written by Uriam Timiti
Teuana muikoara ae kakawaki inanon maiura aio bon te kakaonimaki inanon baai aika ti muiokoaki iai iroun te Uea. Ba n te koaua ao bon akea te bai ae iai iroura ae bon oin ara bai ma a bane n reke mairoun te Atua.
Ti aki maiu i aonteba ba ti na onea muin te Atua ni karaoa ana makuri ma ti karikaki ba e na kabonganaira te Atua ni karaoa ana makuri rinanora. Ti na riai ngkanne ni kakaonimaki n tauraoi n taaai nako n riki ba ana bai ni kamkuri te Atua ao n onimakina te Atua ba Ngaia muiokon baai nin kabane inanon maiura.
Ti riai ngkanne n ataia raoi ae taian rabakau ma karea aika ti anganaki n te maiu aio a bon reke iroura ibukin karaoan Nanon te Atua ma Ana kantaninga ibukin karokoan Ana Tangia ao Ana Kamaiu nakoia aomata nako. N tabetai ao ti taku ba karea ma rabakau aika reke iroura bon oin ara bai ao ti tauninne iai n rawa n tibaia ke ni kataua ba a na kabaia iai tabeman. N tabetai ao ti a manga ba oin ara bai ni baireia ba antai aika ti na angania ao n te te tai ra ae ti na kabonganai iai. N tabetai ao ti a manga bon taningaroti ni kabonganai.
E kamatata Iesu nakoira n te bong aio ba tera raoi ana kantaninga ibukin karea ma tarena aika E anganira. E tangiria ba ti na karikirakei ke ti na manga karakai maitin karea ake E anganiira. Ao tera raoi nanon ae ti na karakai, ke ti na kanga ni karikirakei? I taku ngai ba ti na kona ni karikikei karea ma tarena aikai ngkana ti kabonganai i bukia kamaiuaia ao karekean te kabaia irouia tarira ma manera. E tuangira naba Iesu ikai ba bairean taekara n te kabanea ni motikitaeka e na bon ti boboto i aon arora ni kakaonikaki ni kabonganai ma ni karirkirakei ana karea ma tarena ake E a tia ni muikoira iai.
Tariu ma maneu ti na tatro ni bubutia te Atua ba E na kawakinira ao ni buokira ba ti na kakaonimaki n taai nako ni kabonganai taian karea aika ti anganaki n aron are E kantaningaia te Atua. Ti na aki tabe n taraia ba maitira te makuri ae ti karaoia ma ti na ti kawakiniira ba ti na tauraoi ao ti na kakaonimaki n taai nako ni karaoi muikoara aika ti anganaki iroun te Uea. Ba ngkana ti kakaonimaki ni baai aika uarereke ao E na kangai te Uea nakoira ngkana E roko, "Te toro ngkoe ae ko a tia ni kakaonimaki ni baai aika uarereke... nakomai katonga te kimarerei ma am Toka."