Kanan Tamneira...
- Details
- Written by Uriam Timiti
Aikai bon ana taeka Iesu nakon natin te tina temanna ae te mane are a wene inanon baokina ba e nang tauraoi n taunaki. Ngke e nora te mate aio Iesu ao e taonna te nanokawaki ao te nanoanga ibukin te mane are mate ao ibukin naba tinana are bon ti temanna natina ao are nang tiku ngkai n nikiranroro. N te katei n Iutaia ao e bon rangi ni kamama taekan te aine ae kanoaboo. Ai ngaia are Iesu e bon nanoanga naba te aine aio ibukina ba e nang katinanikuaki ngkai e nang akea natina ibukina ba e kanoaboo.
Ti nora te reirei ae Kakawaki ikai ba bon tauraoin Iesu ni kabebeteira inanon rawawatara ao riki ni kaoka te maiu nakoira e ngae ngke e tara ni kanganga ba ai bon te mate ngaira. N te tai aio ao e tauraoi te Atua n kamaiura man ara bure ngkana ti tan nakoina. Aio bon tibangara ae kakawaki ae te Ekaretia. Ti riai naba n kakoaua ba ngkai bon rabatan te Ekaretia ae ti teuana ngaira ao ti na bon tauraoi ni karekea te buoka ao te kamaiuaki man aia buoka tarira ao manera ake bon kain te rabata ae ti teuana ae te Ekaretia. N aia tataro ao aia buoka raora ao ti na karekea te kamaiuaki ao te kabebeteaki.
- Details
- Written by Uriam Timiti
Mauri n ana tangira,
Bon te karautaeka ba e aki reke tokan ara kanoa ibukin "kanan tasmneira" ngkoananoa ibukin te kanganga ma te internet. E a manga uti n raoiroi n te bong aio. Nora inano ara kanoa ibukin ngkoananoa.Â
Ti uringa aron taekan te karikibai ba e taetae te Atua ao a bane ni karaoaki bai ni kabana. Bon akea te makuri ae karaoia te Atua ma bon ti makan ana taeka ae karaoaki nanona.
Aron kingin te kamaiuaki a reke nakon ana toro te mataniwi ni bubua aio bon ana kakoaua te amata aio ba te Atua ae tautaeka iaoai Uea ma maaka nako iaon te aba, Boni Ngaia te Atua ae aki kainnanoia ba e n na karaoa te makuri ba ti ni makan ana taeka ao a karaoaki naba baai nako. Bon aio taekan Iesu are boni Ngaia te Taeka are iai mangkoa ao bon te Atua Ngaia. Bon Iesu are a tia naganaki te maaka ma te tautakea I Karawa ao I aonteaba. Boni Ngaia are karika karawa ma aonnaba ma te moan tai.
Tariu ao maneu ti bon aki kainnanoia ba e na mena Iesu irarikira n Rabatana ba e akea riouna te tutuki ibukin te raroa ke te tabo ba are bon tev Atua Ngaia. Ti na butia te Atua ba e na anganiira te onimaki ni koaua ba bon akea te bai ae aki kona ni karaoaki iorun Iesu ao e na bon kaekai ara bubuti ngkana e noria ba a bongana ibukira. Ba are ngiara aomata a bon toki ara atarata I tabon bairira ao ti aki kona n nora are ioana. E bon kakawaki naba iorura bat i na butia te Atua ba e na anganira nab ate maaka ni kona karaoa ana makuri ni kamaiu nakoia aker a kainnanoa ana kamaiu ma ana tangira. Are nanona bat i na rabatana Iesu ao n taetae Ibukina n onimakina ana kamaiu ae tin a naganiia tartiira ma manera.
- Details
- Written by Uriam Timiti
Teuana te koaua ae moan te kakawaki ibukira ngaira taan kekeiaki n rimuin Iesu bon taekan te kaibangaki ae boni ngaia mataroan te kamaiuaki ibukira ni kabane. Bon te kaibangaki are tauraki iai Iesu mani uoti rawawatan ara bure ae ti na bane n taraia ba ti aonga ni kamaiuaki man ara bure. Ti ongora n te moan wareboki taekaia Iteraera ngke a ngurengure inanon manangaia n te rereua ao a uringa aroia ni kakang burawa ao iriko i Aikubita. E un irouia te Atua ao e kanakoia taian naeta ba a na tenaaki iai. A butia Mote te nati n Iteraera kamaiuakiia man te naeta ao e nanoangaia te Atua ao e tuanga Mote ba e na karaoa tamnein te naeta man te buraati ao a na tabekia iaon te kai man taraia ake a tenaaki ba a aonga ni kamaiuaki. N te tai aio ao ngaira ake ti tenaaki iroun te riaboro rinanon te bure ao ti tuangaki ikai ba ti na tabeki matara n tara Iesu iaon te kaibangaki are toka iaona rawawatan ara bure ao ti na kamaiuaki. Eng bon marakin Iesu ao arona ni kananoanga are e kamaiura man ara bure ba ti aonga ni manga riki ba kariki bai aika bou aika ti a tia ni kaitiakaki man ara bure ba uan marakina ao maten Iesu.
Tariu ao maneu ti a bane n reitiira n te toa aio n atonga ara tataro ae kangai,"Ti neboiko te Kristo ao ti taromauriko ngkai Ko kamaiuira n am kaibangaki ae moan te Tabu".
- Details
- Written by Uriam Timiti
Ti uringa aron taekan te karikibai ba E taetae te Atua ao a bane ni karaoaki bai ni kabane. Bon akea te makuri ae karaoia te Atua ma bon ti maakan ana taeka ae karaoaki nanona.
Aron kingin te kamaiuaki are reke nakon ana toro te mataniwi ni bubua aio bon ana kakoaua ba bon te Atua ae tautaeka iaoia Uea ma maaka ao korakora nako iaon te aba, Boni Ngaia te Atua ae aki kainnanoia ba E na karaoa te makuri ba ti man makan ana taeka ao a karaoaki naba iai baai nako. Bon aio taekan Iesu are boni Ngaia te Taeka are iai mangkoa ao bon te Atua Ngaia. Bon Iesu are a tia anganaki te maaka ma te tautaeka i Karawa ao i aonteaba. Boni Ngaia are karika Karawa ma aonnaba man te moan tai.
Tariu ao maneu ti bon aki kainnanoia ba e na mena Iesu irarikira n Rabatana ba akea irouna te tutuki ibukin te raroa ke te tabo ba are bon te Atua Ngaia. Ti na butia te Atua ba e na anganiira te onimaki ni koaua ba bon akea te bai ae aki kona ni karaoaki iroun Iesu ao e na bon kaekai ara bubuti ngkana e noria ba a bongana ibukira. Ba are ngaira aomata a bon toki ara taratara i tabon bairira ao ti aki kona n nora are i aona. E bon kakawaki naba iroura ba ti na butia te Atua ba e na anganira naba te maaka ni kona karaoa ana makuri ni kamaiu nakoia ake a kainnanoa ana kamaiu ma ana tangira. Are nanona ba ti na rabatana Iesu ao n taetae Ibukina n onimakina ana kamaiu ae ti na anganiia tarira ma manera.
- Details
- Written by Uriam Timiti
E weteira banaan te Uea n te bong aio ba ti na karaoa te kabanea n tamaroa ibukina inanon maiura aio. Bon tiaki kakannaton ke buburan te makuri n akoi ae ti karaoia a na motikaki taekara iai ngkana e manga oki kaua Iesu. Ma te bai ae kakawaki bon tamaroan te makuri ae ti karaoia ke raoiroin te nano ae iriana ara makuri. Ti riai ni karaoi ara makuri ma te nano ae raoiroi, ti riai n anga ma te tangira ao te aki kantaningaia ba e na iai boon muina. Bon aio nanon te makuri n tangira n aron are kabarabara St Mother Teresa mai Culcatta nakoira n ana taeka ae kangai "Love until it hurts" ba ti riai ni maraki n te makuri n tangira are ti na karaoia nakoia raora. Ngkana akea te bai ae ti rootaki iai ke ti maraki iai ngkana ti anga nakoia raora ao ngkanne bon n tiaki te makuri n tangira. Anga nakoia kainnano ake a na bon aki kona ni kabooa muin am makuri n tangira.