Kanan Tamneira...
- Details
- Written by Uriam Timiti
Aio bon karakinan te Tama temanna iaon Amerika are e kurati ana kaa ma te truck ae bubura ao e a mate mani ikoakina aika rangi ni kakaiaki. Inanon matena ao e noria ba ngaia e a tei imatan Iesu ba e nang motikaki taekana. E bon aki nora matana ma e ti ongo te bana ni mwanne ae kaoti ana bure nakoina ao te Tama e kakatoui matana. Imuina ao e tatae Iesu ni kaotia ba ibukin ana bure aio ao motikan taekana bon te nako moone. E kaenga te Tama ni butimaea te motikitaeka ba e kakoaua ba bon te tia bure ngaia. Ba angin te tai ao e bon tama i bon ibukina ao tiaki te Uea. N angin te tai ao e kataia ni kakukureia aomata te tama ba e aonga ni bati te anga mwane irouia aomata.
Imuin banen ana taeka Iesu ibukin motikan taekana ao e ongo te tama te banaa n aine ni kangai, "Natiu ko kona n nanoangaia ao n anganna riki ana tai ba e na raira nanona ao ni karaoa ae raoiroi ngkana akea te bitaki irouna ao ngkanne e a karaoaki Nanom. Inanon te tai ae uarereke ao akea ba e a manga ongo te bana ni mwane te tama ae kangai; "Natiu I anganiko ba am bai te tama". Ao imuin anne ao e a mangauti te tama Steven Scheier ao e rikirake te maururng irouna inanon tao wanua te namakaina. Ngkai e kabanea ana tai te tama ni buokia aomata ba a na rairi nanoia ao ni butia Nei Maria ana buoka ba e na tei ibukia ba aonga n roko i Karawa.
- Details
- Written by Uriam Timiti
N te ewangkerio n te bong ao ti ongora taekan Iesu ni kitaniia ana reirei nakon te maunga ba e na tataro ni kabanea te tairiki. Ma a bon aki bane n tamarakea te maunga te koraki aika tataro. Bon ti te koraki ake a bon tataro raoi ma nanoia ni kaoaua ae a na kataia moa n tamarakea te maunga ao kitanii bain te aonnaba ba a aonga ni kona n taratara ma ieta ma te tangira ao te kainaoamataaki man katabeiangan te aonnaba ao te maiu aio. Ma te koraki ake a bon tautoronaki ni kaubain te aonnaba a na bon aki tamarakea te maunga. Ti kauringaki ikai ba ngkana ti ukera te Atua ao ti na bon tamarake ni bubutia te Atua ana buoka ao ana kamaiu. Bon mai taubukin te maunga ae ti kona iai ni tatakaruaea te rongorongo ae raoiroi nakoia aomata are bon rongorongon te kimarerei nakoia aika a rawawata ao te inaomata nakoia aika kabureaki. Bon akea te bai ti kona ni karaoia ngkana arona ba ti kataia n takaruaea te rongorongo ae raoiroi man te tabo ae rinano are bon katikitiki naba iai baikorakin te maiu aio. Ngaia are ti bon bane ni kainnanoa te tai inanon maiura aio ba ti na tamakaea te maunga ao n tataro i taubukin te maunga ba ti aonga ni kamaiuaki ao ni kona naba n tatakaruaea te rongorongo ae raoiroi.
- Details
- Written by Uriam Timiti
Te motiki taeka bon taekan te bai ae na riki nakoira ngkana ti a roko n tokin kawaira n te maiu aio. Ba a na taraaki arora ao ni baireaki ba ti tau n rin te Abanuea ke ti aki. I aon te aba ao arora n aomata are te kan motiki taekaia aomata ba aongan oti raoiroira riki iaoia raora ao ti na kamoamoa iai ba akea ara kairua.
N angin te tai ao ti karaoi bai ibukina ba ti makuia aomata ao ti rawa ni motikaki taekara irouia nakon ae aki tamaroa. Eng angin te tai ao ti maaka aia motitaeka aomata ai ngaia are ti karaoa ae ti na aki motikaki taekara iai.
Tariu ao maneu, tera te bai ae kakawaki iroum n te maiu aio? Te mena n ana itera te Atua ao ni motikaki taekam irouia aomata ke te tiku n aia itera aomata ao ni motikaki taekam iroun te Atua?Ti kakoaua ba angin te tai ao te bai ae kakawaki iroura bon aron tarara irouia aomata ao n angina te tai ao e moani bai iroura aia taratara aomata ma te bai ae kakawaki ba aron tarara iroun te Atua.
N aron ana reta Bauro nakoia i Korinto n te bong aio n te moani wareboki ao E taekinna Bauro ba e bon aki tabe n aia motikitaeka aomata ma te bai ae makua bon motikan taekana iroun te Atua are na baireaki ba tera ae na riki nakoina n tokin ana borau n te maiu aio- te maiu n te kukurei ma te Atua ke te mate ae akea tokina i moone ike ti na bon aki kona n noora iai matan te Atua. Tariu ao maneu bon te oi n rongorongo nakoira n te bong aio bon te tei n ana itera te Atua ao a na motikaki taekara iroun te aomata nakon ae te mena n aia itera aomata ao a na motikaki taekara iroun te Atua. Eng e na bon akea ara kanganga ngkana ti nim n taai nako ma te Atua. Ti na bon aki rotaki n te kainnano, te baki ao te rawawata. Ti na bon aki kona n reke n te kanganga ke n rotaki n te kabuanibai iai. "Bon te Atua te tia kawakinai bon akea kainnanou, E kairai nako etan karaanga ni kamaitoroa iai tamneiu" ba Nna kukurei ao ni kabaia ma Ngaia iai n aki totoki.
- Details
- Written by Uriam Timiti
Ti riai ni kekeiaki inanon maiura aio ao n onimakina ana Nanoanga ma ana Tangira Iesu ibukira ni kabane. Ngkai ti a bon tia ni bane n tabekaki ba naati ngaira iroun te Atua ao ti riai n onimakina ana nanoanga te Atua ae tauraoi n taai nako ibukira. Inanon maiura aio ao Iesu E kan rinnako i mataroan nanora ba e na maeka iai ba ti aonga n tautaekani irouna ao ngaira ti na kakaraoa Nanona ba ti aonga ni karekea te kaniwanga ae te maiu ae akea tokina.
Inanon maiura aio ao ti na teimatoa n onimakina Iesu ae boni Ngaia te tia buokira ao te tia kairira nakon te kabaia ae akea tokina. Ngkana ti taongaki n te kanganga ao ti riai ni waekoa n tanrikaki nakon Iesu ibukin ana buoka ao ana kamaiu. N tokin te maiu aio ao ngkanne a na bane ni motikaki taekara iroun Iesu nakon te kabaia ke te mate ma te kabuakakaki ae akea tokina.
- Details
- Written by Uriam Timiti
N aiaron are kataia ni maiuakinna St Mother Teresa mai Calcutta ao ti riai n namakina ana wewete te Atua nakoira ba ti na riki ba taan uota ana tangira ma ana nanoanaga nakoia aomata nako ba aonga ni kamaiuaki. Eng e tuangira Mother Teres aikai ba kainnanon Atiniban Iesu bon te taka ibukin tangiraia aomata ake a raroanako ma Atinibanna ae Moan te Tabu ba e tangiria ba a na oki nakoina ba aonga ni kamaiuaki.
Inanon ana taeka Iesu nakon Betero n te ewangkerio n te bong aio ba e na akawaia oamata ao e kaota iai korakain nanaona n tangiraia ba a na bane n reke aomata n ana karaun ba aonga n aki bua ke n i mate ngkana a raroa nako ma Atinibanna ae moan te Tabu. N aiaron takaruan Iesu iaon te kaibanganki imain matena ba e taka ao e kaotia nkoira ba e kainnanoa naba ara tangira riki ara ibuobuoki ni kaokia oamata nakon Atinibanna ae moan te tabu.
Ngkana ti kan katoka takan Iesu ibukia aomata ake raroanako ma ana tangira ao ana nanoanga, ti bon riai n teriake ao n rimuia aomata ake a bua man raroanako ma Iesu ban a manga oki nakon kororaoin te tangira ma te naboaga are ranga nako man Atiniban Iesu. Ara makuri n ukeria ao ni kaokia ake a tia ni bua bon ara aanga ni katoka takan Iesu, Ngaia are e moan kaitiakiira n Rarana ae moan te Tabu are kawawaea mai aon te kaibangaki ba ti aonga ni bane ni kamaiuaki.