Kanan Tamneira...
- Details
- Written by Uriam Timiti
Aikai bon ana taeka Iesu ngke E wareka ana Taeka te Atua ni kaotia ba bon aio bukin rokona nako aonteaba ba E na anganiira kororaoin te kamaiuaki. Ao bon aio naba bukina ba E riai n aki tiku n te tabo ae ti teuana ma E na nakonako ni karokoa te kamaiuaki nakoia aomata ni kabane. Ti weteaki iroun Iesu ba ti na reita bukin kanakoana aio iroun Tamana ba ti nako nako tabon aonnaba ao ti na babetitoia aomata ni kabaneia n aran te Tama Te Nati ao te Tamnei ae Raoiroi.
E kaotaki ikai anuan te Atua ibukira ba boni Ngaia are mananga n nakonako ni kakaira ao e na kaokiira nakon te Tama are boni Ngaia oini mwengara ni koaua. Bon Iesu ae Ngaia te Taeka ae riki n aomata ibuakora ae a tia n unika inanora ataakin ao kani kakaean te Atua iroura ao boni Ngaia ae na buokiira iaon te aba ni kaokiira nakon te Tama iroun te Tamnei ae Raoiroi are kaokaki ao ni karuoaki ba E na kairiira ao n anganiira te Maiu ae Onraken te Maiu.
- Details
- Written by Uriam Timiti
E karaoi baai ni kabane Iesu ba ti aonga ni katotonga ao ni karaoi naba kakai ake a tia ni karaoi ao aika a kakannato riki. Ma ti na kanga ni karaoi baike a tia naba ngaia ni karaoia? Eng e na kona n reke aio ngkana ti onimaki ni koaua ba E maeak ni koaua Iesu i nanora ao ngaira ti maeka inanon Iesu ao e na bon makuri inanora ngkana ti onimakinna ao ni muiokoi bai nako Irouna.
Ngkana ti tataro ni katoki aoraki ao ti riai n uringa are bon tiaki ngaira ae ti karaoa te makuri ma bon Iesu inanora ae na karaoi bai nako. Ti riai ni butia Iesu ba e na anganira makana ao korakorana ni karaoa are E a tia naba ni karaoia ngke E maiu i aonteaba.
Ngkana ti onimakina makan te Atua ao ti na bon kona ni karaoi bai nako n Aran Iesu. Ti n aki onimakina oin korakorara ba ti na reke iai n te kanganga ngkana ti moanna n nano uoua, ke ngkana a tionako ara taratara ma iaon Iesu ae boni Ngaia te Taeka ae kariki bai nako ba e mananga mairoun te Tama are bon moani baai ao tokiia.
- Details
- Written by Uriam Timiti
Bon aio te taeka n tangira nakoira ni kauringiira ba tera ae ti riai ni karaoia ba ti aonga ni karekea te maiu ae akea tokina. Iai ngkoa ana taeka Nei Maria ni kaotina i Medugorie ae tuangiira ba ti riai iangoia ba aongkoa ti na mate n tairiki ao ti na aki kauia te ingabong. Bon aio te kauring ae moan te tikiraoi ibukira ba e kaotia ba ti riai ni katauraoira n tai nako ba ti aonga ni kona ni butimaea Iesu ngkana e roko ni weteira. Te tiku n tauraoi bon te maiu inanon ana karatia te Atua ni karaoi makuri aika raraoi ke te maiu inanon te rairannano ao karaoan nanon te Uea. Ti riai n rairii nanora ni kitan ara bure ao ni butia Iesu ba E na karabarai ara bure.
Ngkana e a manga oki Iesu ao E na roko inanon te maaka ma te korakora ao te mimitong ba E na motika taekan aonteaba. Ti riai n tuaraoi ni butimaia are nanona ba ti na maiu inanon te raoiroi ao te itiaki. Ti riai ni kitan arora ngkoa ao ni karina aomatara ae bou inanon ana tangira ma ana karatia te Uea.
- Details
- Written by Uriam Timiti
Ti ongora n te bong aio aron ana berita n akoi te Atua ibukin ana botanaomata are e a rabata ao E maeka ibuokra inanon Iesu Kristo are boni ngaia are roko mairouna te kabiriraki ibukiin karaoan nanon te Atua. Ti riai ni karaba te Atua ibukin koraoin ana tangira ibukira ngke kanakomaia Natina ae te Rikitemanna ba E na kaota nakoira ana tangira te Atua ao ana Berita n Akoi ba ti na karekea te maiu ae akea tokina i Karawa inanon koraroin te kimareirei ao te mimitong. Bon aio are a kaman taekinaki irouia burabeti ao e a kakoroaki bukina n rokon Iesu nakon aonteaba.
Ti ongora n te ewangnkerio aron Iesu ni wareka ana taeka te Uea mairoun te burabeti are Itaia are taku ba e mena Tamnein te Atua i aona ba e na taekina te rongorngo ae kakukurei nakon te aonnaba. E na uota te kakukurei ao te kabebeteaki, ao E na bauta ikoakin ane rawawata ao e na kabaraia akana kabureaki. Ao e a manga taekinna Iesu ba aikai ni kabane a kakoroaki bukiia n te bong aio. Bon aio te rongorongo ae moan te kakukurei nakon te aonnaba ba ana tangira te Atua e a kakoroaki bukina iroun Iesu rinanon te Tamnei ae Raoiroi. Ti a bane ni kabaia ba e a roko i aonteaba te kamaiuaki iroun Iesu rinanon te Tamnei ae Raoiroi are ruona Nei Maria ao e a riki n iriko te Taeka ibuakora.
Ti na bane ni kaonaki naba n te Tamnei ae Raoiroi ao ti na anganaki naba te ingainga ni kan kabutanako te Tamnei ae Raoiroi nakoia tarira ao manera ba aonga naba ni kamaiuaki.
- Details
- Written by Uriam Timiti
Tariu ao maneu ti weteaki iroun Iesu ba ti na riki ba taan iriria. Ao ti anganaki te Tamnei ae Raoiroi ba E na kairiira ba ti aonga n toua kawain Iesu. Ngkana e kairiira te Tamnei ae Raoiroi ao nanona ngkanne ba ti na totoua manekan Iesu. Are nanona naba ba e na bon ti teuana te maneka ae na tane iaon tano ba boni manekan Iesu are ti iriria. N te moan wareboki ao ti ongora aroia abotoro ni kaota te banna ae tamaroa nakoia aia reirei ba aonga ni kairaki mauia man aia makuri aika raraoi.
Aio te bai ae kakawaki n maiura aio ba ti na riki ba banna ni katoto nakoia natira, kain mwengara ao raora. Ti na bon bukinaki ao ni motikaki taekara nakon te kabuakakaaki ngkana ti a tia n aki karaoa tabera ao ti a tia kairia aomata nakon te aeka ni maiu ae aki botau ma ana kantaninga te Atua. Are nanona ngkanne ba ti a tia ni kairia aomata nakon te bure ao te kabuakakaki.