Wiki 18 Kanimabong
Warekan ana Boki te burabeti ae Naum. 2: 1, 3; 3:1-3, 6-7
Noria, e birimai te tia ua rongorongo riaoni maunga, e kangai: “Te raoi!” Iuta, karaoi am toa, kakoroi bukin am taeka ni bau, ba e na aki manga riroum Beriara, e a tia ni kamaunaki. E a manga unika te nne ni kurebe ae Iakoba te Uea.
Ao te nne ni kurebe ae Iteraera. Ba a tia ni kuriaki irouia tani kuribai, ao a tia n ototoi mangaia. E na maraia te kawa ae tiritiri, ae oni n te kewe, ae ti rakeana te kuribai, ae aki toki n urubai. Ongo rebwen te ueba, ongo kekeruatain taiani uira, aoti aika kabanei biria, kaa aika toutou rake, tan tokaria aoti aika birirake, raititini aia kabang. Raneaneani kainewa. E raea te ikoaki, e a tabukirake te mate, e bure warekaia mate, a reke waeia n rabataia mate. N na kabaroa te mange i aom, N na kamamaeko ni kaotiko i mataia aomata. Ngkana iai ae noriko, ao e na tannako, ao e na kangai: “E a maenikun Niniwe.”
Antai ae na nanoangaia? E na reke ia te tia kabebetea nanona?
Te Taramo Tua Kaua 32: 35-36,39, 41
Kaekana: Au bai te maiu ao te mate.
E a kan aia tai ni kabuanibai, e na waetata ni katiaki aroia.
Ba E na kaeta taekan ana botanaomata te Uea, E na nanoangaia ana aomata. K
Noria ngkai, ba ai boni Ngai, ao akea riki te Atua temanna.
Boni Ngai ae I kamamate ma ni kakamaiu; ane I oroia, ao I kareirakea. K
Ngkana I taima au kabang ae raneanea, ao I ira tangan te eti.
I kaboi aia bure aiau, I ribaia akana ribaai. K
Alleluia, alleluia
Ke E kaotai nanora Taman ara Uea ae Iesu Kristo, ba ti na nora abakin te kantaninga ae ti weteaki nako iai. Alleluia.
Euangkerio
Warekan ana Euangkerio Mataio…16: 24-28
E kangai Iesu nakoia ana reirei; “Ngkana iai ae kan rimuiu, ao ke e kaakeaa boni ngaia, ke e tabeka ana kaibangai, ao ke e irai. Ane kani kawakina maiuna, ao e na kabua; ma ane kabua maiuna i bukiu, ao e na karekea. Tera manena iroun te aomata ngkana e kabanea aonaba ba ana bai, ma e kabua oini maiuna iai? Ke tera ae e kona n anga te aomata i nanoni mimitonginn Tamana, ma ana anera, ao E na kaboa te aomata nako n ai aron ana makuri. I tuangingkami te koaua: iai, aika mena ikai, aika na aki mate imain noran Natin te aomata n nakomai ma Ueana.”
______________________________________________________________________
Tibatiba: Ane kan rimuiu, ao ke e kaakeaa boni ngaia, ke e uouota ana kaibangai, ao ke e irai