Inanon maiura ao ti m'am'aninga n tabetai ba motikan taekara bon mairoun te Atua, tiaki mai irouia raora.
N tabetai ao aio, e a karika aron aki karaoan raoi ara makuri ke ara taetae.nakon are te eti ao te koaua ao nakon are ti riai ni karaoia, inanon ara beku ma muiokoara nako, ake bon tibangara mairoun te Atua, ba ti a kona n tob'a nanoia aomata ma tiaki te Atua.
E karika naba namakinan te bobuaka n nano ma te aonnaba are e karika rawawatan te uota ao te nano ngkana ti kan irira Iesu ni koaua.
E kabarabaraki raoi te nano aio iroun te Burabeti are Ieremia n te makoro are "Ana Baebaeti Ieremia".
E kakaonimaki Ieremia nakon te Atua n nakoana ao e ataia ae e aki kona n raba mai iroun te Atua. Ma e onimaki ba e bon kakaonimaki nakoina Atuara aoe teimatoa ni karaoa tibangana ma te korakora.
Ai bon arora naba, tiaki kona n raba mai Irouna ao tiaki kona ni karabaira ngkana e kan kabonganaira te Atua.
Ngkana ti bainingareaki ke n winnantiaki, riki irouia ake bon raoraora, ibukin uouotakin ana taeka te Atua ao karaoan nanona iroura, ao ti na bon aki barannano ao ti na bon aki tabe, ao ti na bon aki karaoa ae e aki eti, ti ibukin tob'akin nanoia aomata ma tiaki te Atua.
E baebaeti Ieremia ao e taku, "Motikan taeku Iroum".
Ti na butia te Atua ana karatia ba ti na teimatoa n te eti ao te koaua ao nanon te Atua ma tiaki nanoia ma aia eti raora aika a aki botau ma are mairoun te Atua. Ti na onimakina te Atua ni bai ni kabane ba bon Ngaia ae E na motiki taekara ma tiaki raora.