Wiki 22 Kaabong
Warekan ana Reta Bauro nakoia I korote.. 1: 9-14
Man te tai ae ti ongo iai taekami, ao ti aki toki n tataro i bukimi ma ni butia te Atua ba E na karokoi ngkami n atakin nanona ni koaua, i nanon te wanawana ae kororaoi ma te atatai ae bain te tamnei. Kam na kona iai ni maiuna te maiu ae tau i matan te Uea ma ni kukurei ni bai ni kabane, ao kam na karaoi aekani makuri nako aika raraoi, ba kam na rikirake n ata te Atua, ao kam na kakorakoraki ni makani mimitongina, ao kam na karekea te nanomaka ma te nanomatoa ae kororaoi, ao kam na kukurei ni katituaraoa te Tama are anganingkami te kona n raonia akana raoiroi i nanon te ota. Ba E a tia ni katikira mai ani makan te ro, ao E karokoira n Uean Natina ae tatangiraki, ae e reke mairouna kamaiuara ae kabaran ara bure.
Te Taramo 97: 2-6
Kaekana: E kaota ana kamaiu te Uea.
E kaota ana kamaiu te Uea, E kaota ana eti nakoia botanaomata.
E uringa ana akoi ma ana kakaonimaki, nakon te utu ae Iteraera. K
A bane tabon aonaba, n nora ana kamaiu Atuara.
Neboa te Uea, aonaba ni bane, Karebwea te kukurei ma te anene. K.
Anenea te Uea ma te abi, ma bai ni katangitang;
Katanga te bu ma te bikura, i matan te Uea ae te Atua. K
Alleluia, alleluia.
Ke e ota matam i aon am toro, ao reireiai am tua? Alleluia.
Euangkerio
Warekan ana Euangkerio Ruka.. 5: 1-11
A kariba rarikini Iesu te koraki, i etan te nama ae Kenetareta, ba a ongora n ana taeka te Atua. Ao E nori boti ake uawa ake a roaki i rarikin te nama. A tia n aerake mai iai tan akawa ba a kume n teboki aia karaun. E toka Iesu n te boti tewana are ana boti Timon, ao E tuangnga ba e na kararoa eta. Ao E tekateka n reireinia aomata mai aon te boti. Ngke a bane ana taeka, ao E taku nakon Timon: “Nako nano, ao kabakai ami karaun i bukin te akawa.” E kaeka Timon ni kangai: “Te Tia Reirei, e a ngaina ara ngaina, ao ti bon aki kona; ma N na kabakai karaun n am taeka.” Ao a kabakai. Ao a kamanei ika aika moan te bati, ao a nangi moti aia karaun. Ma ngaia are a anoanoia raoia ake n te boti are tewana, ba a na nakomai ni buokiia. Ngke a roko, ao a kaoni boti ake uawa n te aro ae a nangi inako. Ngke e nora anne Timoni Betero, ao e katorobubua i matani Iesu, ao e kangai: “Kararoaai, te Uea, ba te tia bure ngai.” Ba e kuba, ngaia ma raona, i bukini maitini konaia. Ao ai aron naba Iakobo ma Ioane ake natin Tebetaio, ake raon Timon. E kangai Iesu nakon Timon: “Karaua nanom, ba man te tai aei, ao konam aomata.” Ao ngkanne a kaerakei aia boti, ao a kitani bai ni kabane ma ni iriria.
Tibatiba: Te Atua anganai Otan Nanom ni Koaua ba I aonga ni kamaiuaki
Tariu ao maneu inanon warekan taian wareboki itou ibukin te bong aio ao e bon roko irou norna taneaiangan Bauro ma raona ioruia I Korote ni kororeta nakoia ni akotia ba a teumatia n uringia ao n a tataro ibukia ba a na rikirake inanon ataakin te kamaiuaki are a tia n naganaki inanaon te rongorongo ae raoiroi are a tia n angaanki mairoun Bauro. Eng e bon rotai aron ana kabarabara Bauro ni kan kaotaia I Korote bat era tabia ae maoan te kakawaki ae a tia n anaganaki ao teraa te bai ae riai karaoia ba e aonga n aki bua ma ana noria raoi man ataia ba e na bon reke irouia ao e na rokoraoi itan ana kantaninga te Atua ibuki.
I raonai ma nagakami n te bong aio ni butia te Atua ba e na anganira otan Nanona mo koaua bat i aonga ni mataiakina ao ni kabanea kroakroara ni ni kataia ni karekea te kaniwanga ae kakantanginga ibukira. Inanon ao ti nori tamaneia aika uoua aika a katekeanao ba aomata aika maiti aika riki n ongora ana taeka te Atua n ana kabarabara Iesu. Inanon te nama ao ti anganaki tamneia ana rerie Iesu ake tia ni bong aia bong ni karaun ao bon akea konaia ao a iangoia ba a nang aerake. E kararoa riki teuatana Iesu ma te koraki ao e nako n toka iaon ana boti Timon ba e aonga n noria riki aomata inanon ana marroro. Ngke e bane a na maroro ao tua nakon Betero ma reirei ba a na kabanka aio karaun. E rawarawa nanon Betero ngke e tuangaki ba e namanaga kabaka te karaiun ba e roti ate kua ao te barannano e a ngaina ao e tuai man reke konaia. Ma ti man ana takea Iesu ao e na manga kabaka te karaun. Ti ata te karaki tera ae riki ngke aa managa kabaka aia karaun. Eng e mane ika aika maon ao kan uruaki aia karaun. E kaotia ikai te Atua ba oin Ota nana kantaninga iroun te Atua ba inanon maiura aio ao tin a riki ba tan tia akawaia aoamata ba a aonga ni katikaki man makan te roo ao maneaki inanon ana kakawkain te Atua ae na anganaira kamaiuara man kabaran ara bure.