Kanan Tamneira...
- Details
- Written by Taranieta
E kamatata nakoira Iesu n te bong aio Ana kantaninga ae e korakora ni kan maeka inanora ao inanoia aomata ni kabaneia. E kaumakiira ba tina aki tiotio nako n ara iango ma ara makuri ma tina baraakia ara iango ibukina ma te onimaki Irouna n tainako.
E taku Biribo nakon Iesu, “Kaota te Tama nakoira ao tia bon tau naba.”
Ngaira naba taani kairiri inanon ara utu, kaawa, botaki ao abara, bon ti tearona ma Biribo ma ana titiraki aio.
E kaekaira Iesu nikangai, “Ai maanra au tai ni mena ibuakomi ao ko aki ataai naba………? Ko aki kakoaua ba I mena inanon te Tama ao te Tama e mena irou? Te bai ane kam butiai n Arau, ao N na karaoia ba e aonga n neboaki te Tama inanon te Nati. Ngkana kam butiai te bai teuana n Arau ao N na karaoia.
E anganira Ngaia inanon Arana ae moan te Tabu ae Iesu ba kawain reken buokara, n ara makuri n tainako.
E taku St Theresa n Avila, “Imain ae ko tataro, karaua n iangoia ao n ataia, ba antai ae ko a kaaniko ao ko a roko imatana, ao antai ae ko nang taetae nakoina. Ti riai n ataia ni koaua ba e kanga arora n roko imatan te Atua, ae Ngaia ae a rurubenebene taian anera imatana.
E korakora man mimitong te Atua ao tina riai n ataia ngkana ti kaania n ara tataro. A korakora man mimitong baike E kona n anganira naba ba buokara, ni karokoa Ana Tangaira ma Ana kamaiu Iesu irouia raora, aika e katikuira Iesu ibuakoia, n te tai teuana ma teuana, ke man te ingabong ni karokoa e bong, ba tina tokanikai Irouna, ni kairiia nakon Atinibanna.
Tia maiu ma n tataro nakon Atuara n tainako, n aron ae e tuangira St Teresa n Avila.
- Details
- Written by Taranieta
I tangiria n Uea inanoia aomata ni kabaneia
Tariu ao maneu, I a kabara au bure n buren katokan kanoan taian bong aika te Katenibong ao te Kabong ba a biririmoai aia tai!.E ngae n anne ao iai bukin bai ni kabane aika a riki n aki nanonaki, roun te Atua.
N tibangara n te wiki aio ae e tangimaka bon nakoara ni kairiri ao ni muiokoaki .
N te Moanibong ao e anganira tibangara Iesu, ba E kainnanoira ni buokia , ni kairia tamneia natira, ara utu ao kain ara botaki ma abara ao te aonnaba, nakon Atinibanna, ngke E katimra ke ni katikuira inukaia. E a manga kauringira ba ngke E rineira ma ni kanakoira n aiaroia ana Abotoro, ao E a tia n tabekira ni kanimmra ma Atinibanna ngkai tia kabonganaki n Ana makuri. Ngkana ti a bo ma te mamara ma te rawawata ao e karoaira ni uouotira ni kamarurungira.
Inanon ara tai n nanououa are tina manga ukora iai te Atua, ao ti kona n noria inanon norakin matan Iesu inanon ara tai n tataro, n tamneina ma korobanna ake a koreaki ibukina, ao ti kona n noria ba e maeka ibuakora n ana karikibai ake a kaota Ana tamaroa ma mimitongina, ao inanoia tarira ao manera nako ake bon katotongana!
E tangirira Iesu ba tina aki bua, ao tina kairia ake e muiokoira irouia, nakon Atinibanna. N aiaron Toma ao e rereke iroura te aki kakoaua ao tiaki ata kawaira. Ma e anganira Iesu Tinara Nei Maria, are ti teuana burona ma rabatana n aomata ma ngaia, ba bon ngaia kawaira ni koaua ae tiaki kona ni bua irouna.
N te wareboki n te Taramo n te bong aio ao e kangai ana taeka te Uea nakoira taan kairiri, “ Ani iangoraoi, ngkami uea, kaeti aromi, ngkami tani moti I aonnaba. Toro rouni Iawe ma te maku, bobaraki imatana ma te ruru, ba e kawa n un ao kam kawa ni mate ba e kakaiun. E kabaiaanr e katanna Irouna.”
Tia anga uan ara tutia ma ara tataro ma Tinara Nei Maria n te bong aio ao nikiran te wiki aio, ni kakatituaraoa te Atua ibukin ana nanoanga, ana akoi ma ana tangira nakoira ni kabane. Tia anga naba uana ibukira ngaira taani kairiri n ara utu, n ara botaki, ara kawa ma abara ao n te aonnaba ba tina karikirakeia taani kairiri aika imuira, n aron ae e kantaningaia Iesu mai iroura.
- Details
- Written by Taranieta
Te Euangkerio n te bong aio ao E kangai Iesu n te b’ana ae e korakora, “Ane e kakoauai ao e aki ti kakoauai, ma e kakoaua naba Teuare e kanakoai . Ane e norai ao e nora naba Teuare e kanakoai.
Tiaki kona n nora te Atua ma n ana taeka Iesu aio ao e kairiira nakon atakina ba ngkana ti karaua n tara tamnein Iesu ao man iangoia, ao ti kona n nora matan te Atua ae te Teniman n Temanna, te Atua te Tama ao te Te Nati ao te Tamnei ae e Raoiroi. Ti nora Iesu n tamneina ao ti nora naba te Atua ao ti nora te Tamnei ae e Raoiroi, are bon te Tangira ma te mimitong ao e te m’aka are ti noria mai irouna Bon Ngaia.
Ngkana ti kawaria n te Eukari ao ti namakinna ao n ataia ba ti katorobubua ke n tekateka irarikin Atuara ae Iesu ae te Teniman n Temanna.
E karikira te Atua n aron katotongana. Ti bon nora naba Iesu ao te Teniman n Temanna irouia tarira ao manera nako
- Details
- Written by Taranieta
Te bong aio bon te moan Kanimabong, ao ti karinea man neboneboa Atiniban Iesu ae moan te tabu.
Ti karinea naba Atinibanin Tinara Nei Maria are ti teuana nanona, irikona ma rarana ma ara Uea ae Iesu n arona n Aomata.
N te euangkerio n te bong aio ao e taku Toma nakon Iesu, “ Te Uea tiaki ata te tabo ike ko mena iai ao tina kanga n ataa kawaina?
Bon kawaira ao reitakira ni koaua Tinara Nei Maria nakon Natina inanon te marua n tang ae te aonnaba aio.
N tainako ao e arori baina Tinara Nei Maria ma te ingainga nakoira ba tina tanriraki nakoina ibukin te buoka ae e tauraoi n tainako rirouna,. E bon kantaningai ara bubuti nakoina ibukin taian karatia ake ana karikirakeira ao ni kateimatoaira iaon te kawai nakon Natina.
E tataninga naba ibukina ba tina buokia n ana makuri ibukin Natina
Ti a nakon Tinara n te bong aio, ao tia butia karatia aika ti kainnanoi.
- Details
- Written by Taranieta
E tei Iesu irarikin te maniba, iaan taian kai baam ma aroka, (oasis) I nukan te rereua, ao E uota temanna te tibu nako rarikin Atinibanna.
Ao a bane n ruruon man te karereua are e otabaniniia, taian tiibu aika a koronganga, n kaania Iesu are e tei irarikin te m’aniba n ran, are a maiu n otabaniniia, taian kai. A kataniia man te riringa ao te kabuebue ao a moi ni katoki takaia.
Iai tibangara ni kairiiri ni kabane iroun Iesu. Ibukin tibangara aikai ao e anaira ni uotiira irarikin Atinibanna ao e kangai, “Tai maku ba I tabekiko n uotiko irarikin Atinibanu, ba ko na buokai ni kairiia ao n tararuaia au tibu, inanon taian karereua, nakon tabo aika a mam man maiureirei.
N ara kaeka ao ti kangai ma Tawita, ‘Te tia kawakinai te Uea,’
Ti na aki maku ba e aki kitanira ngkana e kanakoira ni makuri ma e raonira n tainako. E kawakinira n karoaira iaon Angana ae moan te tabu ngkana ti a kua, aoraki ke ni barannano, ao e kangai, 'Buokai, tai maku'.
